FMT Turnfahrt 2025

Doris Baumann

FMT-Turnfahrt 2025

Es chlieses Zmorge im Steiner hat üs gstärcht für üsi Fahrt i die gröscht Schwyzerstadt. I de Jugendherberg hämmer üses Gepäck deponiert, no e flüssigi Stärchig zu öis gno, bevor mir am HB mit dem Foodtrail (Fueterwäg) gstartet sind. Mir händ da nid nur de Gaume kützlet, sondern au de Mage gfüllt, Fitness gmacht (insgesammt 18400 Schritt) und üses ganze Grips müesse aktiviere, das mit jewyls de nächst Ort gfunde händ. Quer dur die ganzi Stadt, viele Details gseh, wo mir no nie beachtet händ und sogar en Stadtplan brucht, das mir de richtig Wäg gfunde händ. Am Schluss simmer alli satt, müed und zfriede gsi (Ziel erreicht)
I de Riithalle hämmer später es chlieses, feins Znacht gnosse und en underhaltsame (wie gaht mer hüt in Züri in Usgang?) Schlummi i de Roof Garden Bar über em Globus als Tagesabschluss gnosse.
Meh oder weniger frisch händ mir üs am Zmorgetisch wieder troffe. Frisch gstärcht häts uf de Pestalozziwiese no sobligate Gruppeföteli gäh. Den simmer is WOW (nei, nid Wau, wau) Museum und händ üs vo all dene viele Illusionen verfühere lah. (Es sind da debii no ganz viel Gruppeföteli entstande!) Das neue Museum zeigt würkli en huufe Wow Effekt!
Es chlieses Grüppli hät no de letscht «Wettkampfteil» in Angriff gno und isch gmüetlich mit de Pantarhei uf Richteswil gondlet. Det hät üs sogar dFontäne begrüesst und mit händ no churz Zyt gha, es paar alti Züg und Führwehrauto zbestuune (150 Jahr Seebahn)
Es sehr schöns Wuchenend in bester Gsellschaft händ mir zäme dörfe erläbe.
Danke em OK Steffi, Jolanda und Doris, wo sMotto gwählt hät: was «willst du in die ferne schweifen…!»